Gwamnan Jihar Filato, Simon Lalong, da wakilan jam’iyyar APC a jihar, babu abin da zai ba su sha’awa fiye da fitowar Chibuike Amaechi a matsayin dan takarar shugaban kasa na jam’iyyar a zaben 2023.
A wani taron gangamin da tsohon Ministan Sufuri kuma wakilan jam’iyyar APC reshen Jihar Filato a gidan gwamnati Jos, ranar Juma’a, Gwamna Lalong, ya bayyana cewa shawarar daukar Mista Amaechi ita ce mafi alheri ga al’ummar Jihar Filato da kuma ‘yan Nijeriya. cewa duk tsaffin shuwagabanni da ‘yan majalisar dokokin jihar sun amince su marawa Mista Amaechi kuri’a.
Ya ce Mista Amaechi yana da dukkan halayen shugaba nagari kuma zai ceci kasar nan daga matsalolin rashin tsaro tare da kawo ci gaba a dukkan sassan kasar nan, ya kara da cewa jihar Filato ta amfana sosai daga Mista Amaechi kuma lokaci ya yi da za a biya.
“Na yi matukar farin ciki da na ga bayan ku shugabanninmu na baya, wasu daga cikin manyan jami’an tsaro da muka samu. Ina ganin masana harkar tsaro na biye da ku domin kalubalen da muke fama da shi a Najeriya a yau shi ne rashin tsaro kuma na san idan ka zama shugaban kasa da wadannan mutanen ba za a samu rashin tsaro a Najeriya ba.” Inji Gwamnan.
Subscribe to Our VIP Newsletter
[newsletter_signup_form id=1]
