Al’amura sun fara dawo wa daidai bayan katsewar Intanet a duniya

Al’amura sun fara dawowa dai dai a fannonin lafiya da na zirga zirga da bankunan da kafafewan watsa labarai da dama na duniya bayan katsewar hanyoyin sadarwar da aka samu.

Kamfanin tsaron Internet na CrowdStrike wanda ya haifar da matsalar ya nemi gafara, bisa lamarin da ya faru.

Lamarin ya samu asali ne sakamakon kuskuren sabunta tsarin Microsoft Windows.

Shugaban CrowdStrike George Kurtz, ya ce an gyara matsalar.

Sai dai ana iya shafe kwanaki kafin magance al’amura su dawo kamar yadda suke a baya.

Sama da jirage dubu biyar ne aka soke tashinsu a jiya Juma’a sakamakon faruwar lamarin.