Gwamnan jihar Anambra, Farfesa Chukwuma Charles Soludo, ya sanar da bayar da tukuicin Naira miliyan 10, ga duk wanda ya ke da bayanai masu muhimmanci, domin kai ga cafke wadanda suka aikata ta’asar kisan gilla da aka yi wa Okechukwu Okoye.
Gwamnan ya bayyana kaduwarsa da bakin cikinsa kan kisan da aka yi wa Okoye, dan majalisar wakilai mai wakiltar mazabar Aguata II a majalisar dokokin jihar.
Ku tuna cewa wasu ‘yan bindiga da ba a san ko su wanene ba ne suka sace Okoye a makon jiya.
An tsinci gawar Okoye a ranar Asabar ba tare da gawarsa ba a Nnobi da ke karamar hukumar Idemili ta Kudu a jihar Anambra.
Subscribe to Our VIP Newsletter
[newsletter_signup_form id=1]
