Adeleke ya nada tsohon soja a matsayin shugaban Amotekun

Date:

February 22, 2023

Gwamnan jihar Osun, Ademola Adeleke, ya nada Kaftin din Soja, Benedict Olusoji Akanni mai ritaya, a matsayin sabon Kwamandan Osun Amotekun Corps.

Nadin Kyaftin Akanni ya zo ne bayan murabus din Amitolu Shittu, babban kwamandan rundunar tsaro na farko.

Shittu ya mika takardar murabus din nasa ne a wata budaddiyar wasika a ranar 20 ga Janairu, 2023.

Amotekun wata kungiya ce ta tsaro da dukkan gwamnonin Kudu-maso-Yamma suka kafa.

An kafa ta ne domin kara kaimi ga kokarin sauran hukumomin tsaro na tarayya na magance miyagun laifuka a shiyyar Kudu maso Yamma.

Nadin kamar yadda Yussuf Idowu, kakakin Osun Amotekun ya bayar a ranar Talata, ya fara aiki nan take.

[newsletter_signup_form id=1]