Shugaban Kwamitin Kasafin Kudi na Majalisar Wakilai, Abubakar Kabir Abubakar, ya yi kira ga ‘yan Najeriya da su sadaukar da kansu wajen yin addu’o’i masu karfi, jajircewar shugabanni da jajircewar siyasa ne kawai za su iya ceto kasar nan.
Abubakar mai wakiltar mazabar Bichi ta Jihar Kano, ya yi wa al’ummar mazabar sa da Masarautar Bichi da kuma ‘yan Nijeriya barka da Sallah, inda ya roke su da su yi imani da Allah, inda ya ce da addu’a babu shakka za a samu sauki.
Ya shaida wa al’ummar Musulmi cewa, ba shakka, kiyaye kyawawan halaye na watan Ramadan zai taimaka wajen magance matsalolin da al’umma ke fuskanta, “amma da hakuri, alkawari da jajircewa”.
“Hakazalika, ina kira gare su da su yi amfani da wannan lokacin bukukuwan addu’o’in ci gaban al’ummarmu mai girma. Lallai Najeriya na bukatar addu’o’inmu baki daya a wannan mawuyacin lokaci,” inji shi.
Subscribe to Our VIP Newsletter
[newsletter_signup_form id=1]
