Sarkin Kano na 16, Muhammadu Sanusi II, ya koka kan yadda Arewacin Najeriya ke samun koma baya wajen ci gaba, musamman a fannoni kamar ilimi da aikin gona, lamarin da ya jefa yankin cikin mawuyacin hali.
Sanusi ya bayyana hakan ne ranar Asabar a wani taro na tunawa da cika shekaru 50 da ziyartar wanda ya kafa ƙungiyar Faidha Tijjaniyya a Afirka ta Yamma, Sheikh Ibrahim Nyass, a Jos, Jihar Filato.
Da yake gabatar da jawabi a matsayin babban bako, Sarkin ya nuna damuwa kan yadda yankin Arewa bai yi amfani da yawan jama’arsa ba.
Ya ce mafi yawan mutanen yankin manoma ne da ba su da ilimin zamani kan fasahar noma, wanda ke hana su cimma nasara mai É—orewa.
Sanusi ya yi kira ga shugabanni da masu ruwa da tsaki a yankin su zuba jari a fannin ilimi da aikin gona don amfanin al’umma, yana mai cewa lokaci ya yi da Arewa za ta tashi daga baccin da take yi.
Subscribe to Our VIP Newsletter
[newsletter_signup_form id=1]
