Kasa da kwanaki 58 a gudanar da zaben shugaban kasa mai zuwa, shugaban jam’iyyar All Progressives Congress (APC) na kasa, Abdullahi Adamu ya ce, zai zama abin kunya ga shugaba Muhammadu Buhari ya mika mulki ga jam’iyyar adawa a 2023.
Adamu ya bayyana hakan ne a wata hira da ya yi da BBC Hausa, inda ya ce, Buhari yana son APC ta fi kowace jam’iyyar siyasa nasara.
Tsohon dan majalisar ya yi watsi da sukar da ake zargin Buhari na janyewa daga yiwa Bola Ahmed Tinubu, dan takarar shugaban kasa na jam’iyyar kamfen, yana mai cewa bai dace Buhari ya bar aikinsa na shugaban kasa ba saboda yakin neman zabe.
“Duk wanda ya ce maka yana so (APC) ta ci zaben nan fiye da Buhari karya ne. Dalili na shi ne, abin kunya ne shugaban kasa ya mika mulki ga jam’iyyar siyasa da ba nasa ba,” inji shi.
Subscribe to Our VIP Newsletter
[newsletter_signup_form id=1]
