Hukumar Zabe Mai Zaman Kanta ta Kasa, INEC, ta bayyana shirin ko-ta-kwana idan na’urar rajistar masu kada kuri’a, BVAS, ta gaza a rumfunan zabe a lokacin babban zaben 2023.
Mai magana da yawun hukumar ta INEC Festus Okoye ya bayyana cewa hukumar za ta tabbatar da samar da kayayyakin BVAS a kowace rumfar zabe.
Okoye ya ce tuni INEC ta yi tanadin yin amfani da BVAS a rumfunan zabe sama da 176,000 a kasar nan.
Da yake magana da gidan talbijin na Channels, Okoye ya ce: “Kowace unguwannin zabe, za mu samu wasu kayayyakin BVAS da za a tura su cikin gaggawa idan akwai wata matsala ko wani kalubale a kowane rumfunan zabe. Mun kuma horar da ma’aikatan goyan bayan fasaha waɗanda kuma za su iya shiga tsakani idan akwai wani ƙalubale tare da BVAS.
“Amma idan har aka ci gaba da samun tabarbarewar BVAS har zuwa lokacin da za a rufe zabe, dokar zabe ta bukaci da mu yi watsi da kada kuri’a a wannan rumbun zabe sannan mu sake kada kuri’a cikin sa’o’i 24.”
Subscribe to Our VIP Newsletter
[newsletter_signup_form id=1]
