Abin takaici ne a wulakanta ofishin shugaban kasa – Peter Okoye

Shahararren mawakin Najeriya, Peter Okoye na kungiyar P-Square, ya ce, abin takaici ne a wulakanta ofishin shugaban kasa.

Mawakin ya kuma ce duk da cewa shugaban kasa Muhammadu Buhari da jam’iyyar All Progressives Congress, APC, ba su taka rawar gani ba, amma hakan bai sa a wulakanta shi ba.

Bayanin hakan na kunshe ne a wani sako da ya fitar ta shafin sa na Twitter da aka tabbatar a ranar Talata.

Ku tuna cewa a kwanakin baya ne wasu mazauna jihar Kano suka kai wa Buhari hari a lokacin da ya kai ziyarar aiki.

Karanta wannan: Peter Obi ne mafita a zaɓen 2023 – Peter Okoye

Sai dai Okoye ya yi Allah-wadai da matakin, inda ya ce bai dace ba.

Ya rubuta cewa, “Dukkanmu mun yarda cewa shugaba Buhari da jam’iyyar APC sun tabuka abin da bai dace ba amma ba mu yarda da wulakanta shugaban kasa ko ofishin shugaban kasa ba. Wannan abin la’ana ne kwata-kwata!”

Subscribe to Our VIP Newsletter

[newsletter_signup_form id=1]