Aƙalla mutane takwas ne ‘yan bindiga suka kashe a kasuwar shanu ta jihar Abia da ke Kudu maso Kudancin kasar nan a ranar Talata, kamar yadda gwamnatin jihar ta tabbatar.
Jaridar Punch ta rawaito cewa, Kwamashinan Yaɗa Labarai da Tsare-Tsare, Eze Chikamnayo ya na cewa, an kai harin ne da misalin ƙarfe 11:35 na dare.
“A ranar Talata 15 ga watan Fabarairu da misalin ƙarfe 11:35 na dare, wasu ‘ya bindiga da ba a san ko su wane ne ba, suka afka wa ‘yan kasuwa a Sabuwar Kasuwar Shanu ta Omumauzor da ke Ƙaramar Hukumar Ukwa ta Gabas,” in ji shi cikin wata sanarwa.
An kai harin ne kwana ɗaya kafin komawar jagoran ƙungiyar ‘yan tawaye ta Indigenous People of Biafra (IPOB), Nnamdi Kanu, gaban kotu, domin fuskantar tuhuma game da zargin ta’addanci a Abuja babban birnin ƙasar.
Hukumomi na zargin ɓangaren ‘yan bindiga na IPOB mai suna Eastern Security Network (ESN) da kai ire-iren waɗannan hare-hare.
Subscribe to Our VIP Newsletter
[newsletter_signup_form id=1]
