Wata babbar kotun tarayya da ke Abuja ta bayar da umarnin mayar da tsohon jami’in ‘yan sanda na Intelligence Response Team, IRT, Abba Kyari zuwa kurkukun Kuje.
Mai shari’a Emeka Nwike ya kuma umarci hukumar yaki da sha da fataucin miyagun kwayoyi ta kasa, NDLEA, da ta mika wasu mutane 6 da ke fuskantar tuhumar safarar miyagun kwayoyi tare da Kyari zuwa gidan gyaran hali na Kuje.
Alkalin ya bayar da umarnin ne bayan ya ki amincewa da belin tsohon mataimakin kwamishinan ‘yan sandan tare da sauran wadanda ake tuhuma.
Mai shari’a Nwite ta ce, hukumar ta NDLEA ta gabatar da hujjoji a gabanta, domin hana Kyari da sauran wadanda ake tuhuma belinsu.
Hakazalika kotun ta ki bayar da belin tsofaffin mambobin IRT, ACP Sunday Ubia, Insifekta Simon Agirgba, da Insifekta John Nuhu.
Subscribe to Our VIP Newsletter
[newsletter_signup_form id=1]
