‘Yan Brazil za su yi wa gawar fitaccen tsohon ɗan wasan duniyar nan ɗan ƙasarta Pelé girmamawar ƙarshe kafin yi masa jana’iza ranar Talata.
An ajiye gawar ɗan wasan ranar Litinin a tsakiyar filin wasa na Urbano Caldeira, wanda ya kasance filin wasan tsohuwar ƙungiyarsa ta Santos.
Dubban magoya bayan tsohon ɗan wasan sun fara bin dogayen layuka ɗauke da tutoci da hotunan tsohon ɗan ƙwallon, wanda ya lashe Kofin Duniya sau uku, dan shiga filin wasan domin yin ban kwanan ƙarshe da gawar.
Za a fara shirye-shiryen yi wa gawar tsohon ɗan wasan ranar Talata, inda za a ɗauki gawar Pele a zagaya da ita kan titunan birnin Santos, ciki har da kan titin da gidan mahaifiyarsa Celeste Arantes mai shekara 100 ke zaune.
Bayan kammala zagayawa da gawar ne kuma ‘yan uwansa za su yi masa jana’iza tare da binni shi a maƙabartar Memorial Necrópole Ecumênica cemetery.
Subscribe to Our VIP Newsletter
[newsletter_signup_form id=1]
