Shugaba Bola Ahmed Tinubu ya tarbi firaministan kasar Indiya Narendra Modi a Najeriya a ziyarar aikinsa ta farko.
Tinubu ya bayyana hakan ne a wata sanarwa ta hannun jami’in sa na X a ranar Lahadi.
A cewarsa, tattaunawa a yayin ziyarar za ta nemi lalubo dabaru da alakar kasuwanci tsakanin Najeriya da Indiya.
“Ku sa ido kan tarbar Firayim Minista Narendra Modi a ziyararsa ta farko a Najeriya, wacce kuma ita ce ziyarar farko da Firayim Ministan Indiya ya kai kasarmu mai kauna tun 2007.
Tattaunawarmu za ta yi kokarin fadada dangantakar abokantaka bisa manyan tsare-tsare tsakanin kasashen biyu, da inganta hadin gwiwa a fannoni masu muhimmanci. “Barka da zuwa Najeriya, PM Modi,” ya rubuta.
Modi ya isa babban birnin tarayya Abuja da sanyin safiyar Lahadi.
Tun da farko, mai magana da yawun shugaban kasar, Bayo Onanuga, ya bayyana cewa Tinubu zai karbi bakuncin Modi a ranar Lahadi.
Subscribe to Our VIP Newsletter
[newsletter_signup_form id=1]
