Gwamnan jihar Anambra, Farfesa Chukwuma Charles Soludo, ya yi kira da a gaggauta sakin jagoran masu fafutukar kafa kasar Biafra (IPOB), Mista Nnamdi Kanu ba tare da wani sharadi ba.
Soludo ya ce a shirye yake ya tsaya a matsayin wanda zai tsaya wa shugaban ‘yan awaren idan har an sake shi, idan har gwamnatin tarayya ta gagara ta sake shi ba tare da sharadi ba.
Soludo ya yi wannan jawabi ne a lokacin kaddamar da yakin neman zaben jam’iyyar, wanda ya shaida halartar dan takarar shugaban kasa na jam’iyyar, Farfesa Peter Umeadi da sauran ‘yan takarar jam’iyyar a jihar da kuma kudu maso gabas.
Ya ce: “Ina kira ga Gwamnatin Tarayya da ta saki Mazi Nnamdi Kanu ba tare da wani sharadi ba. Idan ba za a iya sake shi ba tare da wani sharadi ba, ina so a sake min shi, kuma zan tsaya masa lamuni.
“Muna bukatar Nnamdi Kanu a tattaunawar da za a yi domin tattauna matsalar rashin tsaro a yankin Kudu maso Gabas. Dole ne mu kawo karshen rashin tsaro a Kudu maso Gabas kuma muna bukatar Nnamdi Kanu ya kasance a kusa.
“A wani lokaci da ya gabata mun kafa kwamitin gaskiya da sasantawa domin gano musabbabin rashin tsaro a yankin Kudu maso Gabas kuma sun kusa kammala aikinsu.
“Amma wannan batu na rashin tsaro ba za a iya magance shi da kyau ba tare da kawo manyan ‘yan wasa a wannan lamarin ba.
“Mun yi amfani da salon yaki da rashin tsaro a Kudu maso Gabas, amma ba za a iya kammala tsarin ba tare da gwamnatin tarayya ta saki Mazi Nnamdi Kanu ba.
“Dole ne mu kawo shi kan teburin domin muna bukatar sa ya shiga cikin wannan tsari, kuma ina kira ga gwamnatin tarayya da ta saki Nnamdi Kanu a gare ni, domin mu samu cikakkiyar tattaunawa kan makomar yankin Kudu maso Gabas.
“Idan ba za mu iya sake shi ba bisa tsarin kotu, a nan zan bayar da kaina a matsayin wanda zai tsaya masa, kuma a duk lokacin da kuke so, zan mika shi gare ku.
“Za mu ba shi mafaka kuma mu ba shi gida, kuma mun yi wannan roko ne bisa imani na gaskiya ga ruhin zaman lafiya a Kudu maso Gabas,” in ji shi.
Subscribe to Our VIP Newsletter
[newsletter_signup_form id=1]
