Shugaba kasa Bola Ahmed Tinubu, ya umarci jami’an tsaro da su kamo maharan da suka kai hari a ƙananan hukumomin Dutsin-Ma da Kankara na jihar Katsina da ya yi sanadiyar mutuwar mutane da dama tare da tabbatar da an hukunta su.
Bola Ahmed Tinubu ya bayyana hakan ne, a cikin wata sanarwa da mai baiwa shugaban kasa shawara na musamman, Ajuri Ngelale, ya fitar yana mai kakkausar suka kan yawaitar hare-haren da ake kaiwa a fadin ƙasar nan.
A yayin da ya bayyana sabbin hare-haren a matsayin munanan hare-haren, shugaban ya jaddada cewa, za a ƙara ƙaimi wajen tabbatar da tsaron ‘yan kasa da kuma tarwatsa ‘yan ta’adda gaba daya da sauran masu tayar da zaune tsaye a kowane ɓangaren ƙasar nan.
Tinubu ya jajantawa iyalan waɗanda abin ya shafa, da gwamnati da kuma al’ummar jihar Katsina, tare da addu’ar A… ya jikan waɗanda suka rasu.
Subscribe to Our VIP Newsletter
[newsletter_signup_form id=1]
