Shugaba Muhammadu Buhari, ya sanar da tsawaita wa’adin ci gaba da amfani da ɗaya daga cikin tsofaffin takardun kudi na tsawon kwanaki sittin.
A wani jawabi da ya yi ga al’ummar ƙasar a safiyar ranar Alhamis, shugaban ƙasar ya ce tsohuwar takardar kudi ta naira 200 ce kaɗai za a ci gaba da amfani da ita na tsawon watanni biyu.
Hakan dai na zuwa ne a daidai lokacin da ake zanga-zanga a wasu sassan ƙasar bayan wahala da mutane ke fuskanta wajen samun kuɗi a bankuna da kuma wuraren cirar kuɗi na ATM.
“Don ƙara saukaka wa ‘yan ƙasarmu matsaloli da suke fuskanta wajen samun kuɗi, na bai wa CBN umarni da cewa a sake fitar da tsohuwar takardar kuɗi ta N200 kuma a bar su su rika yawo a hannun mutane da sabuwar takardar kuɗi ta 200 da 500 da kuma 1,000 na tsawon kwanaki 60, daga ranar 10 ga watan Fabarairun 2023 zuwa 10 ga Afrilu, lokacin da tsohuwar takardar kudi ta N200 za ta daina aiki.” in ji shugaban.
Subscribe to Our VIP Newsletter
[newsletter_signup_form id=1]
