Hukumar kashe gobara ta jihar Kano, ta tabbatar da mutuwar wani yaro dan shekara 14 mai suna, Musa Sani, bayan nutsewa a cikin wani kududdifi da aka fi sani da “Rafin Mukugara” a kauyen Kumbagawa da ke karamar hukumar Karaye.
A wata sanarwa da kakakin hukumar kashe gobara ta jihar Kano, Saminu Abdullahi ya fitar, ya ce lamarin ya faru ne a ranar Juma’a da safe.
“Mun samu kiran gaggawa daga ofishin kashe gobara na Karaye da misalin karfe 08:00 na safe daga wani Abdulbaki Abubakar, kuma mun aikawa da tawagarmu zuwa wurin da abin ya faru da misalin karfe 8:05 na safe,” inji shi.
Ya kara da cewa, an ceto wanda abin ya shafa a sume, kuma daga baya aka tabbatar da mutuwarsa.
Abdullahi ya ce, daga baya an mika gawarsa ga hakimin Karaye, Suraja Magaji.
Subscribe to Our VIP Newsletter
[newsletter_signup_form id=1]
