‘Yan mata 15 sun rasa rayukansu a wani hatsarin jirgin ruwa a kauyen Dandeji da ke karamar hukumar Shagari a jihar Sokoto.
An tattaro cewa, ‘yan mata 40 da ke kan hanyarsu ta debo itace a wani daji da ke kusa da su, a cikin wani kwalekwale ne a ranar Talata, a lokacin da ya kife, amma 15 sun rasa rayukansu nan take.
Wani mazaunin yankin mai suna Muhammad Ibrahim ya ce tuni aka gano gawarwaki 15 kuma masu nutsewa a yankin na ci gaba da neman sauran wadanda abin ya shafa.
Shugaban karamar hukumar Shagari Aliyu Abubakar ya tabbatar da afkuwar hatsarin sannan ya ce an binne gawar mamacin kamar yadda addinin Musulunci ya tanada.
Jami’in hulda da jama’a na rundunar ‘yan sandan Sokoto, DSP Umar Mohammed bai amsa kiran nasa ba domin tabbatar da hakan.
Subscribe to Our VIP Newsletter
[newsletter_signup_form id=1]
