Wasu ‘yan bindiga sun kashe mutum hudu, cikinsu har da wani ɗan sanda a kauyuka biyu na jihar Anambra
Jaridar PREMIUM TIMES ta rawaito cewa, an kashe biyu daga cikinsu ne, wadanda ‘yan uwa ne, a kauyen Ukpor da ke karamar hukumar Nnewi South.
An bayyana sunayensu da Godwin Ikechukwu Modobi da Nnajiofor Modobi da ke zaune a kauyen Umuhu.
Kazalika an kashe sauran mutanen biyu a kusa da wani coci a kauyen Ozubulu da ke karamar hukumar Ekwusigo.
Kakakin rundunar ‘yan-sandan jihar, Ikenga Tochukwu, wanda ya tabbatar da kashe-kashen, ya ce Ikechukwu dan-sanda ne da ke aiki a jihar.
Wadannan kashe-kashe na zuwa ne kwanaki kadan bayan kisan mutum biyar a gidan sayar da barasa das ke kauyen Osumenyi na karamar hukumar Nnewi South.
Subscribe to Our VIP Newsletter
[newsletter_signup_form id=1]
