Wasu ‘yan bindiga da ba a san ko su wanene ba sun kashe jami’an ‘yan sanda uku tare da raunata daya a Oshiri Divisional Command, dake karamar hukumar Onicha a jihar Ebonyi, a ranar Laraba.
Rahotanni na cewa wasu ‘yan bindiga dauke da makamai sun kashe wani sifeto dan sanda daya wanda har yanzu ba a bayyana sunansa ba tare da raunata wasu biyu a daren Litinin a zagayen bankin Union da ke Abakaliki, babban birnin jihar Ebonyi.
Ya zuwa yanzu wasu ‘yan bindiga sun kashe jami’an ‘yan sanda hudu a jihar cikin kwanaki biyu, kuma jimillar jami’an uku sun samu munanan raunuka a hare-haren.
Kwamishinan ‘yan sandan jihar, Faleye Olayele, ya tabbatar da faruwar harin a cikin wata sanarwa da kakakin rundunar ‘yan sandan jihar Ebonyi, Onome Onovwakpoyeya ya sanyawa hannu kuma ya bayyanawa manema labarai a Abakaliki.
Subscribe to Our VIP Newsletter
[newsletter_signup_form id=1]
