Sanata Rabiu Musa Kwankwaso ya ƙaddamar da gagrumin taro na wasu manyan siyasar Najeriya karkashin wani yunkuri na ƙungiya mai suna The National Movement TNM.
Fitattun mutane da ƴan siyasa da suka halarcitaron sun haɗa da Alhaji Tanko Yakasai da Capt Idris Wadatsohon gwamnan Kogi da Rufai Alkali da Aminu Ibrahim Ringim tsohon dan takarar gwamna a jihar Jigawa da kuma Inijiniya Buba Galadima.
A jawabin Kwankwaso ya ce wasu ƴan Najeriya ne da suka damu da abin da ke faruwar suka haɗa kai don ceto ƙasar daga mawuyacin halin da ta shiga.
Ya ce, yunƙuri ne na ƴan Najeriya masu kishi da suke zaune a gida da kasashen waje.
A cewarsa za su duƙufa wajen farfaɗo da tattalin arzikin kasar da inganta rayuwar ƴan kasa a birni da karkara da samar da ilimi a Najeriya.
Ya kuma ce sun shirya tsaf, domin tunkarar matsalar tsaro da ta addabi Najeriya.
Subscribe to Our VIP Newsletter
[newsletter_signup_form id=1]
