Kungiyar goyon bayan “Atiku State of Mind” ta janye goyon bayanta ga dan takarar shugaban kasa na jam’iyyar PDP tare da amincewa da dan takarar shugaban kasa na jam’iyyar Action Democratic Congress (ADC), Kingsley Moghalu.
Hassan Ankuma, tsohon kodinetan kungiyar na kasa ne ya bayyana haka ranar Juma’a a Abuja, a wani taron manema labarai da aka gudanar domin amincewa da dan takarar ADC.
Ankuma ya ce, kungiyar ta tafka kura-kurai a baya wajen yakin neman zaben ’yan takarar manyan jam’iyyun siyasar kasar biyu.
Ya ce, kungiyar ba ta son sake maimaita irin wannan kuskuren kafin zaben 2023.
“Kuskuren da aka yi a baya shi ne, kullum muna neman goyon bayan ’yan takarar manyan jam’iyyun siyasa biyu kamar su kadai ne. Dogara ga wadannan fitattun jam’iyyun siyasa shi ya sa muka ci gaba da zaben shugabannin da ba su dace ba, saboda ba za mu iya zaben masu rike da tuta na wadannan dandali ba ko da mun san ba su da yawa.
“Kamar yadda muka saba, mun fara tafiya zuwa 2023, amma yayin da Najeriya ke kara tabarbarewa a kowace rana, mutum ya gane cewa, akwai matukar fargaba game da nan gaba.
“Hakan ne ya sa muka yi dogon numfashi, muka ja da baya muka sake yin nazari sosai kan zabin da ke gabanmu, domin shekarar 2023 lokacin hutu ne ga Najeriya.
Subscribe to Our VIP Newsletter
[newsletter_signup_form id=1]
