Kungiyar ‘yan kasuwan Arewa maso Gabas, ta siyawa tsohon mataimakin shugaban kasa, Atiku Abubakar fom din tsayawa takarar shugaban kasa a shekarar 2023 domin ya tsaya takara a jam’iyyar Peoples Democratic Party (PDP).
Tun a watan Disambar 2021 ƙungiyar ta yi alkawarin sayan fom ga tsohon mataimakin shugaban kasa a matsayin nuna goyon bayansu ga takararsa ta shugaban kasa.
Shugaban kungiyar ‘yan kasuwa ta Arewa maso Gabas, Abubakar Dalhatu Funakaye, wanda ya gabatar da fom din a madadin kungiyar, ya baiwa tsohon mataimakin shugaban kasar tabbacin marawa baya a yunkurinsa na shugabancin Najeriya.
Dan takarar shugaban kasa na jam’iyyar PDP a zaben 2019, wanda ya yaba wa taron, ya bukaci su da sauran ‘yan Najeriya da su hada kai, wajen magance dimbin kalubalen da Najeriya ke fuskanta.
Subscribe to Our VIP Newsletter
[newsletter_signup_form id=1]
