Tun a cikin makon nan ne man fetur ya fara yin kaura a cikin wasu gidajen sayar da mai a Kano, wanda kasuwar ƴan bunburutu ke ƙara bunkasa, sakamakon janyewar man fetur.
Lamarin da ya sanya a ka samu ƙarancin man fetur na gidajen sayar da mai, wasu na alaƙanta shi da gurɓataccen mai da a ka kawo Najeriya ya sanya masu gidajen man fetur suka ɗan dakata.
Sai dai a ranar Asabar, sakamakon samun man fetur da kuma sa ran za a fara sayar da shi, wasu gidajen man fetur ɗin suka cika da jerin abun hawa.
Duk da cewa a gefen titinuna ko kuma jikin gidajen man fetur, masu bunburutu na ci gaba da cin karansu babu babbaka a kasuwar ta sayar da man fetur a bakin titin, duk da suma sun bayyana mana cewa sai sun yi tafiya mai nisan gaske, sannan su ke siyo shi kuma mai tsada.
Subscribe to Our VIP Newsletter
[newsletter_signup_form id=1]
