Kungiyar Malaman Makarantun Sakandire (ASUSS) reshen Jihar Kaduna, ta bayyana cewa ‘yan bindiga sun kashe malamai kusan 10 tare da sace wasu kusan 50 a jihar.
Shugaban kungiyar ASUSS reshen jihar Kaduna, Ishaya Dauda, wanda ya bayyana hakan, ya shawarci gwamna Nasir El-Rufai da ya yi amfani da duk wata hanya da za ta iya ganin an sako dukkan malamai da sauran wadanda ake tsare da su a sansanoni daban-daban a jihar.
Da yake zantawa da manema labarai a Kaduna a ranar Laraba, a wani bangare na gudanar da bukukuwan tunawa da ranar malamai ta duniya na 2022 mai taken “Samkon Ilimi ya Fara da Malamai”, ya koka da yadda aka kashe malaman Sakandare sama da 10 tare da sace wasu sama da 50. daga watan Janairu har zuwa yau a Kaduna kuma malaman da aka sace suna hannun garkuwa.”
A cewarsa, kungiyar na da cikakkiyar masaniya kan matsalar rashin tsaro da ke barazana ga zaman rayuwar ‘yan jihar Kaduna musamman a makarantu, inda ya bukaci gwamnatin jihar da ta dauki matakin kawo karshen wannan matsala.
by TaboolaSponsored Links Kuna iya so
Menene Babban Jarin Sana’a da Za a Yi?
Jami’ar Nexford
Kungiyar ta bayyana cewa ita ma tana sane da kokarin da gwamnatin jihar ke yi na daukar jami’an ‘yan banga na jihar Kaduna domin kare makarantun daga hare-haren ‘yan ta’adda.
Ya yaba da kokarin Gwamna El-Rufa’i na gaggauta biyan albashin malaman makaranta, ya kuma bukaci gwamnan da ya tabbatar da gaggawar biyan ma’aikatan da suka yi ritaya albashi domin saukaka wa wadanda suka yi ritaya daga aiki.
Ya kuma yi kira ga Gwamna El-Rufai da ya saukaka wa ‘ya’yan su karin girma da aka yi ta jinkiri tun shekarar 2020, inda ya ce ASUSS kamar kowace kungiyar kwadago ta samu tagomashin Gwamnatin Jihar Kaduna.
Ya kara da cewa ASUSS tana aiki tare da ofishin shugaban ma’aikata, ma’aikatar ilimi ta jihar Kaduna, hukumar kula da malamai ta Kaduna da sauran masu ruwa da tsaki wajen tabbatar da kyautata jin dadin mambobinta ta fuskar daukar ma’aikata, karin girma da sauran walwala. kunshe-kunshe
Subscribe to Our VIP Newsletter
[newsletter_signup_form id=1]
