NDLEA ta kama fasfo din kasashen waje a cikin buhun Gari

Hukumar yaki da sha da fataucin miyagun kwayoyi ta kasa NDLEA, ta kama fasfo din kasa da kasa guda 22 na kasashe shida daban-daban da aka boye a cikin buhun Gari da dai sauran kayayyakin abinci.

Jami’an tsaro sun kama su ne a filin jirgin sama na Murtala Muhammed International na Ikeja dake jihar Legas, a harabar tashar SAHCO da ke filin jirgin a lokacin da suke aikin binciken kayan da suka saba yi.

Mai magana da yawun hukumar ta NDLEA, Femi Babafemi, a wata sanarwa da ya fitar a ranar Lahadin, ya ce tara daga cikin fasfo din uku ne kowannen su na Birtaniya da Faransa da Portugal da na Najeriya 8 da Ghana 4 da kuma na Kamaru 1.

Ya kuma ce a filin jirgin, jami’an sun kwato fakiti 12 na tabar wiwi mai nauyin kilogiram 4.95 da aka boye a cikin kwalin Golden Morn da aka shirya domin fitar da su ta cikin rumbun ajiyar kayayyaki na SAHCO.

A halin da ake ciki, Babafemi ya bayyana cewa, a jihar Filato, tawagar jami’an NDLEA a ranar Juma’a 28 ga watan Janairu, sun kama wasu mutane biyu da ake zargi ciki akwai Emeka Ezenwa mai shekaru 37 da Julius Akingbe mai shekaru 45 da haihuwa, bisa laifin mallakar gram 126.5 na sinadarin methamphetamine da aka boye a cikin na’urar DVD da ta taho daga Legas.

Subscribe to Our VIP Newsletter

[newsletter_signup_form id=1]