Motar dakon mai ta fada rami a Ogun

Wata motar dakon mai dauke da man fetur, ta fada cikin wani rami a jihar Ogun.

Hukumar kiyaye hadurra ta kasa (FRSC) ta bayyana cewa lamarin ya faru ne a ranar Asabar, gabanin tashar Total, dake kan titin Sagamu/Ijebu-ode.

Motar tankar wadda ba ta da lambar rajista a cikinta, an ce ta rasa yadda za ta yi saboda gudun da ta yi; ya kauce daga hanya ya sauka cikin rami.

Domin kaucewa afkuwar wani hatsari na biyu ko kuma yiwuwar barkewar gobara, tuni hukumar FRSC da sauran jami’an tsaro suka killace yankin.

Kakakin hukumar FRSC a jihar Ogun, Florence Okpe, ta ce an karkatar da ababen hawa zuwa hanya daya.

Okpe ya kara da cewa, jami’an kashe gobara na nan a shirye domin kamo lamarin idan har wani abu ya faru.

Kalaman ta: “Hukumar kiyaye haddura ta tarayya, reshen jihar Ogun na son sanar da jama’a masu ababen hawa kan hatsarin da ya afku a safiyar yau, wanda ya shafi wata tankar da ba ta da lambar rajista a ciki.

“Motar ta rasa yadda za ta yi saboda gudun da ya wuce kima, ta fada cikin rami, cike take da PMS.

“Ma’aikatan kashe gobara suna kan kasa. An killace wurin don taka tsantsan da kuma gujewa karo na biyu. An karkatar da zirga-zirga zuwa ɗayan layin. Jami’an hukumar FRSC suna nan a kasa suna kula da lamarin.

“An shawarci masu ababen hawa da su tuƙi a hankali tare da ba da haɗin kai tare da masu kula da zirga-zirgar ababen hawa da ke kula da lamarin.”

Subscribe to Our VIP Newsletter

[newsletter_signup_form id=1]