Manchester United ta amince da yarjejeniyar sirri da dan wasan Ajax, Antony, domin ya koma kungiyar ta Premier kan kwantiragin shekaru biyar, inda zai ci gaba da zama a Old Trafford har zuwa 2027.
Man United a yanzu tana shirin sabon tayin Yuro miliyan 90 don gwada Ajax a wannan makon don sa hannun Antony.
An yi wannan ikirarin ne ta hannun wani kwararren masani a harkar kwallon kafa, Nicolo Schira, a cikin wani sako da ya wallafa a shafinsa na Twitter a ranar Litinin.
“#Antony yana kara kusantar #ManchesterUnited daga #Ajax akan €90m. An amince da sharuɗɗan sirri na kwangila har zuwa 2027, ” in ji Schira.
Antony yana goyon bayan komawa Man United a wannan bazarar don sake haduwa da tsohon kocinsa Erik ten Hag a Red Devils.
An cire dan kasar Brazil cikin tawagar Ajax ta Eredivisie da ta doke Sparta Rotterdam da ci 1-0 ranar Lahadi.
Subscribe to Our VIP Newsletter
[newsletter_signup_form id=1]
