Gwamnatin jihar Zamfara ta bayyana damuwarta dangane da yawaitar gallazawa ƴan Arewa da jami’an kungiyar tsaro ta Western Nigeria Security Network (WNSN) mai suna Amotekun ke kaiwa a jihohin Kudu maso Yamma.
A cewar wata sanarwar manema labarai da kwamishinan yada labarai na jihar, Hon. Ibrahim Magaji Dosara, ana gallaza musu ba bisa ka’ida ba, kuma Gwamna Bello Mohammed Matawalle, ya bukaci abokan aikinsa na yankin su duba wuce gona da iri na jami’an tsaro da hadin kan kasa.
Sanarwar ta ci gaba da cewa, “Tsarin da ake yi ba bisa ka’ida ba, cin zarafi da azabtarwa da ake yi wa matasan Najeriya wadanda galibi ke gudanar da harkokin kasuwanci tare da takwarorinsu na yankin Kudu maso Yamma, hakan na iya haifar da rikici tsakanin yankunan biyu.”
“Ya kamata ‘yan Najeriya su guji duk wani rikici na kabilanci don ba da damar zaman lafiya da kwanciyar hankali don bunkasa tattalin arziki da siyasa a kasar nan.
“A wannan lokacin da kusan dukkanin yankunan siyasar kasar ke fuskantar rikici daya ko wani, ya kamata mutane su koyi mutunta juna da tunanin yadda za a bunkasa Najeriya maimakon kiyayya da ba dole ba.”
Subscribe to Our VIP Newsletter
[newsletter_signup_form id=1]
