Al’ummar kasar China mazauna Najeriya sun gudanar da bikin tarbar sabuwar shekara ta gargajiya ta ‘yan kasar a Najeriya.
A ranar daya ga watan Fabrairun bana ne, sabuwar shekara ta Sinawa za ta fara.
Gwamnatin Najeriya ta bayyana yadda kasashen biyu suke taimakon juna, wani abu da yake inganta harkokin kasuwa da na tsaro a tsakanin kasashen biyu.
Daruruwan ‘yan kasar China da manyan baki na musamman ne suka halarci bikin bazara na sabuwar shekarar kasar Sin ta 2022, mai taken “Duniya daya, bazara daya, cudanya ta soyayya marar iyaka”
Taron wanda yana cikin shirye-shiryen murnar bikin sabuwar shekara a kalandar gargajiya ta kasar Sinya kayatar.
A ranar Talata 1 ga watan Fabrairu za a fara sabuwar shekarar ta kasar Sin, wadda aka sanya wa suna shekarar damisa.
Bikin sabuwar shekarar a al’adance na da tsawon kwanaki 16.
An kawata wajen bikin da jajayen zane-zane da ɗan ratsin fari nan da can kana ga tarin kaɗe-kaɗe da kuma gabatar da sauran al’adu na mutanen kasar Sin. In ji BBC.
Subscribe to Our VIP Newsletter
[newsletter_signup_form id=1]
